Kya Kehna

Yeh shaam mastani,
Rote huey guzaari gayi hai,
Dil dhoondta sukoon tha,
Mile us hi ke tukde hain..

Akhiyaan bhar bhar aayein hain,
Sookhein aansoon ke nishaan,
Ab bhi paayein jaatein hain,
in taazein aansoon ke peechhe..

Ek dukhbhara gaana gaa liya,
Jo dil ko pyaara hai, usse chugli kar li,
Magar agli shaam aane tak,
Yeh dil phir tukde tukde ho jaata hai..

Do baar aansoon rok liye,
Teen lambe saans le liye,
Dil toh phir bhi rota hi hai,
Toh aansoon bhi rok ke rakhte,
Magar thode toh chhot hi jaatein hain..

Kisi se ab kya kehna,
Kisi se ab kya kehna,
Jo goonj hai iss dil ki,
Koi taal na duba paaya..